Sud Fransiyaning “Nissa” klubi himoyachisi Yusuf Atalga hukm chiqardi.
Oktyabr oyida Isroil va Falastin o‘rtasidagi mojaro fonida jazoirlik futbolchi ijtimoiy tarmoqlarda yahudiylarni "qora kun"ga chaqiruvchi videoni joylashtirgan edi. Keyin u videoni o‘chirib tashladi va uzr so‘radi.
27 yoshli Atal noyabr oyida hibsga olingan va unga irqiy adovat qo‘zg‘aganlikda ayblangan.
RMC Sport nashri xabariga ko‘ra, 3 yanvar kuni Atal aybdor deb topilib, shartli jazo bilan 8 oylik qamoq jazosiga hukm qilingan, shuningdek, 45 ming yevro jarimaga tortilgan.
Oktyabr oyida Atal Fransiya chempionatining yettita o‘yiniga diskvalifikasiya qilindi va "Nissa" futbolchini keyingi ogohlantirishgacha diskvalifikasiya qildi. Shu bilan birga, Atal 13 yanvar kuni start oladigan Afrika Millatlar Kubogida ishtirok etish uchun terma jamoaga chaqirildi.
