"Реал Мадрид" бош мураббийи Карло Анчелотти Жуд Беллингемдан ҳар бир ўйинда гол уришини кутмасликка чақирди.
Англиялик ярим ҳимоячи жорий мавсумда 22 учрашувда 17 та гол урди. Айни дамда Ла Лига тўпурарлари рўйхатида айнан Беллингем етакчилик қилмоқда, бироқ чоршанба куни "Мальорка"га қарши ўйинда (1:0) 20 ёшли футболчи гол ура олмади.
"Жуд гол урмаганига ҳайрон бўлмаслигингиз керак. Унинг голлари шунчаки бонус, унинг фазилатларига қўшимча", - деди Анчелотти ўйиндан кейинги интервьюда.
"Мальорка" билан ўйинда киритилган ягона гол муаллифи ҳимоячи Антонио Рюдигер бўлди.
