Парижликлар марказий ҳимоячиси Милан Шкриньяр жароҳати сабаб учрашувни якунлай олмади.
Франция Суперкубоги финалида "Тулуза"га қарши ўйинда майдонга тушган словакиялик футболчини 71-дақиқада Луис Энрике алмаштиришига мажбур бўлди. 28 ёшли марказий ҳимоячининг жароҳати қанчалик жиддий эканлиги номаълум.
Шкриньярнинг майдондаги ўрнини янги келган Лукас Беральдо эгаллади - бу унинг "ПСЖ"даги дебют ўйини бўлди. Милан Шкриньяр жароҳат олган пайтда пойтахт грандлари "Тулуза" дарвозасига иккинчи голни уришга муваффақ бўлишганди. Голларни 3-дақиқада Ли Канг Ин ва 44-дақиқада Килиан Мбаппе киритди.
