"ПСЖ" ҳужумчиси Килиан Мбаппе "Парк де Пренс" стадионида парижликлар сафида 111-голини киритганига муносабат билдирди.
Кеча Франция Суперкубоги доирасида "Тулуза"га қарши ўйинда гол урган ҳужумчи ижтимоий тармоқларида "Тарих..." деб ёзди.
3 январь куни “ПСЖ” Франция Суперкубоги учун ўйинда “Тулуза”ни мағлуб этди (2:0) ва Луис Энрике бошчилигидаги илк совринни қўлга киритди. Килиан бу учрашувда парижликларнинг иккинчи голига муаллифлик қилди.
Мбаппенинг парижликлар билан амалдаги шартномаси 2024 йилнинг июнида тугайди ва 2024 йилнинг январида у бошқа клублар билан бўлажак трансфер бўйича музокаралар олиб бориш учун расмий ҳуқуққа эга. Жорий мавсумда ҳужумчи "ПСЖ" сафида барча турнирлар доирасида 23 та ўйинда майдонга тушиб, 22 та гол урди ва 2 та голли узатмани амалга оширди.
