"Ювентус" ҳимоячи Даниеле Ругани билан шартномани узайтиришга яқин турибди, дея хабар беради журналист Николо Шкира.
Манбанинг хабарига кўра, клуб футболчи билан 2026 йилнинг июн ойи охиригача амал қиладиган шартнома шартларини яна бир йилга узайтириш варианти билан келишиб олган. 29 ёшли италиялик футболчи жамоада қолиш учун маошини камайтиришга рози бўлди. Амалдаги шартномага кўра, футболчи йилига 3 миллион евро олади.
2023/24 йилги мавсумда Ругани "Ювентус" сафида барча мусобақаларда 10 та ўйинда 2 та гол урди.
Ҳимоячининг амалдаги шартномаси 2024 йилнинг июн ойи охиригача амал қилади.
