"Манчестер Юнайтед" бош мураббийи Эрик тен Хаг матбуот анжуманида клуб ҳужумчи Антони Марсьяль билан шартномани узайтириш борасида музокаралар олиб бораётганини тасдиқлади.
28 ёшли франциялик футболчининг амалдаги шартномаси ёзда якунига етади. Ўтган мавсум бошидан буён у жароҳат туфайли 31 та ўйинни ўтказиб юборган. Охирги 5 ўйинда у таркибга киритилмаган.
"Манчестер Юнайтед" 30 ёшли Варан билан янги шартномани ҳам муҳокама қилмоқда - аввалроқ клуб маошини ҳафтасига 340 минг фунт стерлингга қисқартириш борасида келишиб олмоқчи бўлгани учун автоматик узайтиришни фаоллаштиришдан бош тортган эди.
