Витор Роке "Барселона" сафида дебют ўйинини ўтказганидан хурсанд.
18 ёшли форвард Каталония клубидаги тақдимот маросимида гапирди.
Бразилиялик футболчи пайшанба куни "Блауграна" сафида дебют қилди ва Ла Лига доирасида "Лас-Пальмас"га (2:1) қарши ўйиннинг 78-дақиқасида захирадан майдонга тушди.
“Менинг орзуим ушалди, мен жуда хурсандман, болалигимдан бу ҳақда орзу қилардим.
Хави (мен майдонга тушишдан олдин) менга хотиржам бўлишни ва иложи бўлса гол уришимни айтди.
Жамоадошларим мени жуда яхши кутиб олишди ва ташвишланмасликни айтишди. Дебют энг яхши ҳолатда бўлди”, деди Роке.
