"Женоа"дан А Серияда очко олиб ташланиши мумкин.
La Gazette Dello Sport хабарига кўра, клуб даромад солиғи тўлови бўйича ҳужжатларни ўз вақтида тақдим этмаган. Процессуал хато туфайли 2-3 кун кечикиш бўлди. Ҳисоботни топширишнинг охирги муддати 16 ноябрь эди.
Италия футбол федерацияси прокуратураси клубга қарши иш очган. Тергов қандай якунланиши ҳозирча номаълум. Қайд этилишича, клуб ё оқланиши ёки 1 очкодан 3 очкогача жарима билан жазоланиши мумкин.
"Болонья" билан дурангдан кейин (1:1) "Женоа" 21 очко билан А Серияда 12-ўринда бормоқда.