"Челси" бош мураббийи Маурисио Почеттино жамоа вингери Нони Мадуэкенинг муваффақиятини қайд этиб, унинг истиқболлари ҳақида гапирди.
“Мен Мадуэке олти ойдан кейин ниҳоят биз ундан нимани талаб қилаётганимизни тушунганидан жуда хурсандман.
Унинг салоҳияти ва иқтидори бор. Агар у келажакда ўзини ривожлантиришдан тўхтамаса, муваффақиятга эришиши мумкин", - деди Почеттино матбуот анжуманида.
Мадуэке ўтган қишда 35 миллион евро эвазига Лондон клубига ўтган эди. Мавсумнинг иккинчи ярмида у 12та ўйинда қатнашиб, битта гол уришга муваффақ бўлди.
