"Порту" ҳужумчиси Эванилсон жорий қишки трансфер ойнасида "Манчестер Юнайтед"га ўтиши мумкин. Бу ҳақда журналист Фабрицио Романо ижтимоий тармоғда хабар берди.
Манбага кўра, "манкунианликлар" вакиллари 24 ёшли футболчи билан шартнома имзолаш имкониятларини ўрганишмоқда. Қайд этилишича, бразилиялик форвард учун Лондоннинг "Арсенал" ва "Интер" каби жамоалар ҳам даъвогарлик қилмоқда.
Эванилсон "Порту"да 2020 йилдан буён ўйнаб келмоқда. Жорий мавсумда форвард “аждарлар” сафида барча турнирларда 20 та ўйин ўтказиб, 11 та гол ва 3 та голли узатмани амалга оширди. Футболчининг Португалия клуби билан шартномаси 2027 йилнинг июнь ойи охиригача амал қилади. Transfermarkt порталига кўра футболчининг тахминий нархи 25 миллион еврони ташкил қилади.
Олдинроқ "Манчестер Юнайтед" "Реал" ҳимоячиси Ферланд Мендига қизиқаётгани ҳақида хабарлар тарқалган эди.
