"Барселона" раҳбарияти Мадриднинг "Aтлетико" клуби ҳужумчиси Жоау Феликснинг ижара шартномасини узайтиришни режалаштирмоқда.
Diario Sport хабарига кўра, Каталония клуби ёш португалиялик билан ҳамкорликни узайтиришдан манфаатдор.
Манбага кўра, "кўк-анорранглилар" 24 ёшли Феликсда яхши истиқболни кўрмоқда. Қайд этилишича, “Барселона” Феликснинг ижара муддатини яна бир мавсумга узайтириб, кейин футболчини сотиб олмоқчи.
Эслатиб ўтамиз, аввалроқ “Барселона” бош мураббийи Хави Эрнандес португалиялик футболчининг ўйинидан норозилиги ва унинг харидига қарши эканлиги ҳақида маълумот пайдо бўлган эди. Трансфермаркт портали маълумотларига кўра, футболчининг нархи 40 миллион еврога тенг.
