Миланнинг “Интер” клубининг аргентиналик ҳужумчиси Лаутаро Мартинес гол уриш бўйича ўзининг шахсий рекордини янгилаган ҳамда Европанинг энг нуфузли клублар турнири – Чемпионлар лигаси финалида ўйнаган ўтган йилги мавсуми ҳақида гапириб берди.
"Бу мен учун ҳам, оилам учун ҳам ажойиб йил бўлди. Биз Истанбулда муваффақият қозона олмадик, аммо биз жамоа сифатида жиддий ўсдик, бундан хурсандман", - дея Лаутаронинг сўзларини келтиради «Интер» клуби сайти.
Эслатиб ўтамиз, аргентиналик ҳужумчи ҳозирги жамоасида 2018 йилдан буён тўп тепмоқда. Aйни дамда “Интер” Италия чемпионати турнир жадвалида пешқадамлик қилмоқда.
