"Барселона" марказий ҳимоячиси Роналд Aраухо ҳозирча "Бавария"га ўтишни режалаштирмаяпти. 24 ёшли футболчи мюнхенликлар жамоасининг асосий трансфер мақсадларидан бири саналади.
Немис клуби қишки мавсумдаёқ трансферни амалга оширишни истайди, аммо бунинг иложи йўқдек. Журналист Жоан Покининг хабар беришича, Aраухонинг ўзи аллақачон Томас Тухелга январда "Барселона"ни тарк этишни ўйламаслигини маълум қилган.
Шу билан бирга, манбага кўра, ёзги трансфер ҳали ҳам истисно қилинмаган. Кўп нарса Каталония жамоасининг қолган мавсумдаги муваффақиятига боғлиқ.
Жорий мавсумда Роналд Aраухо 17 та ўйин ўтказиб, битта гол урган. "Барселона" футболчини 100 миллион еврога баҳоламоқда.
