"Интер" бош мураббийи Симоне Индзаги жамоасининг мавсумнинг биринчи ярмидаги ўйини ҳақида ўз фикрлари билан ўртоқлашди. "Нерадзуррилар" 19-турда “Верона”га қарши ўйинда ғалабани деярли қўлдан чиқараётганди, аммо Давиде Фраттезининг 93-дақиқада киритган голи эвазига уч очкони тортиб олишга муваффақ бўлди (2:1).
Индзаги шогирдлари ҳамон турнир жадвалида пешқадамлик қилмоқда ва битта захира ўйини бор бўлган “Ювентус”дан 5 очко олдинда кетяпти.
“Ушбу ўйинда жуда кўп азоб чекдик, аммо бундай ғалабалар жуда муҳим. "Верона" яхши эди. Биринчи даврани 48 очко билан якунладик - бу жуда яхши натижа.
Aммо "Ювентус" ҳам ажойиб суръатда кетмоқда, "Милан" ва бошқа жамоалар хатога йўл қўйса, мусобақа янада қизийди", - деди Индзаги.
