Лондоннинг "Арсенал" клуби ҳужумчи Эдди Нкетиа бўйича таклифларни кўриб чиқишга тайёр.
24 ёшли футболчи "Кристал Пэлас"нинг трансфер мақсади бўлиб турибди. Журналист Алекс Вуднинг сўзларига кўра, "Арсенал" форварднинг иқтидорини қадрлайди, аммо харидорлар камида 35 миллион евро таклиф қилсалар, уни январда сотиш имкониятини ўрганишга тайёр. Шунингдек, "Арсенал" қишки трансфер ойнасида янги ҳужумчи сотиб олса, Нкетианинг кетиш эҳтимоли сезиларли даражада ошиши қайд этилган.
Эдди Нкетиа жорий мавсумда 26 та ўйинда майдонга тушиб, 6 та гол ва 4 та голли узатмани амалга оширди.