"Барселона" бош мураббийи Хави Эрнандес жамоасидан яхшиланишларни кутмоқда.
"Мавсумнинг иккинчи ярми биз учун яхшироқ бўлиши керак, биз бунга ишонамиз. Рақамларга таяниб хулоса чиқармаслик, яхшилаш керак. Биз босқичма-босқич, ўйиндан-ўйинга ўсишимиз керак – бу бизнинг мақсадимиз. "Атлетико" ва "Порту"га қарши ўйинлардаги каби тез ўйнашимиз керак. Биз, албатта, кўпроқ очко тўплашимиз керак - бу борасида баҳслашолмаймиз", - деди Хави.
Якшанба куни "Барселона" Испания кубоги 1/16 финалида "Барбастро"га қарши сафарда майдонга тушади.