Британиянинг "LondonWorld" нашри очиқ манбалар асосида Англия премьер-лигаси клубларининг сўнгги 3 мавсумдаги молиявий барқарорлиги рейтингини тузиб чиқди. 20 жамоадан фақат бештаси ижобий балансга эга экани маълум бўлди.

Ушбу даврда «Ливерпуль» энг кўп фойда олган жамоа экани аниқланди. Клубнинг 3 йиллик фойдаси 67,1 млн фунтга тенг бўлди. «Шеффилд Юнайтед» ва «Бёрнли» клублари эса кучли учликка кирди.

Сўнгги 3 мавсумда фойда олган АПЛ клублари:

1. «Ливерпуль»: фойда — 67,1 млн фунт стерлинг;
2. «Шеффилд Юнайтед»: фойда — 46,3 млн фунт стерлинг;
3. «Бёрнли»: фойда — 31,9 млн фунт стерлинг;
4. «Вест Хэм»: фойда — 25,8 млн фунт стерлинг;
5. «Тоттенхэм»: фойда — 2,2 млн фунт стерлинг.