Мадриднинг “Реал” клуби Килиан Мбаппени 2024 йилнинг ёзида шартнома имзолаш шартлари ҳақида хабардор қилди.
The Athletic хабарига кўра, 2022 йилда Мадриднинг "Реал" клуби Мбаппега йилига 26 миллион евро маош ва 130 миллион евролик шартнома имзолаганлик учун бонус таклиф қилган. 2024 йилда "Реал Мадрид"нинг таклифи у қадар катта бўлмайди - бу клуб иқтисодиётининг заифлашиши ва янги трансфер сиёсати билан боғлиқ бўлиб, бу ёш футболчиларга алоҳида эътибор қаратишни назарда тутади.
Қайд этилишича, Мбаппега таклиф қилинган сумма камайтирилганига қарамай, франциялик футболчи таклифни қабул қилса, "Реал"нинг энг кўп маош олувчи футболчисига айланади. Мадрид клуби Килианни қўлга киритиш учун барча имкониятларни ишга солмоқда.
Мбаппе яқин орада келажаги борасида бир қарорга келиши керак — аввалроқ "ПСЖ" ҳужумчиси буни Чемпионлар лигаси плей-офф босқичи бошланишидан олдин амалга оширишни режалаштираётгани ҳақида хабар берилганди. Флорентино Перес билан шахсий суҳбатларида франциялик футболчи бир неча бор "Реал"да ўйнаш истагини билдирган.
