Madridning “Real” klubi Kilian Mbappeni 2024 yilning yozida shartnoma imzolash shartlari haqida xabardor qildi.
The Athletic xabariga ko‘ra, 2022 yilda Madridning "Real" klubi Mbappega yiliga 26 million yevro maosh va 130 million yevrolik shartnoma imzolaganlik uchun bonus taklif qilgan. 2024 yilda "Real Madrid"ning taklifi u qadar katta bo‘lmaydi - bu klub iqtisodiyotining zaiflashishi va yangi transfer siyosati bilan bog‘liq bo‘lib, bu yosh futbolchilarga alohida e’tibor qaratishni nazarda tutadi.
Qayd etilishicha, Mbappega taklif qilingan summa kamaytirilganiga qaramay, fransiyalik futbolchi taklifni qabul qilsa, "Real"ning eng ko‘p maosh oluvchi futbolchisiga aylanadi. Madrid klubi Kilianni qo‘lga kiritish uchun barcha imkoniyatlarni ishga solmoqda.
Mbappe yaqin orada kelajagi borasida bir qarorga kelishi kerak — avvalroq "PSJ" hujumchisi buni Chempionlar ligasi pley-off bosqichi boshlanishidan oldin amalga oshirishni rejalashtirayotgani haqida xabar berilgandi. Florentino Peres bilan shaxsiy suhbatlarida fransiyalik futbolchi bir necha bor "Real"da o‘ynash istagini bildirgan.
