Европадаги муваффақиятидан руҳланган нигериялик ҳужумчи Виктор Осимхен Нигерия билан Африка кубогини ютиш имконияти борлигига ишонч билдирмоқда.
Гуруҳ босқичида Нигерия терма жамоаси Экваториал Гвинея, турнир мезбони Кот-д'Ивуар, шунингдек, Гвинея-Бисау терма жамоасига қарши майдонга тушади.
"Ҳозир бутун фикрим фақат Африка кубоги билан банд. Гуруҳдан чиқишимиз мумкинлигига ишонаман. Биз чемпион бўлишга ҳаракат қиламиз", - дея Осимхеннинг сўзларини келтиради Италиянинг ITASportPress ахборот агентлиги.
Нигерия терма жамоаси Африка кубогини уч марта – 1980, 1994 ва 2013 йилларда қўлга киритган.
