"Ливерпуль" бош мураббийи Юрген Клопп "Ал-Иттифоқ" сафида Саудия Арабистони чемпионатида тўп тепаётган ярим ҳимоячи Жордан Хендерсоннинг жамоага қайтиши мумкинлиги ҳақида фикр билдирди.
“Мен Жордан билан бу борада гаплашмадим. Ростини айтсам, биз яқинда гаплашдик, лекин ўтиш мавзусида эмас. Шу боис, бу масала бўйича қўшимча қиладиган ҳеч нарсам йўқ", - дея германиялик мутахассиснинг сўзларини келтиради Sky Sports.
Жордан ёзги трансфер ойнасида "Ал-Иттифоқ"га ўтган эди. Битим суммаси 14 миллион еврони ташкил қилди. 33 ёшли ярим ҳимоячи Саудия клуби билан 3 йиллик меҳнат шартномасини имзолади.
