Москванинг "Спартак" клуби бош мураббийи Валерий Карпин "Бунёдкор" билан ўтган назорат учрашувидан сўннг (2:1) фикрлари билан ўртоқлашди.

"Жамоанинг ҳозирги ҳолатини ҳисобга олганда, биринчи бўлимни ажойиб ўтказдик. Айниқса, ҳимояда рақибга ҳеч қандай имконият бермадик - футболчиларимиз уларни дарвозамиз яқинига яқинлаштирмадилар. Шу кунларда машғулотларда нимани устида ишлаган бўлсак, нималарга эътибор берган бўлсак - барчаси бошидан охиригача бажарилди. Ҳужумда ҳам шундай, гол урдик ва яна уришимиз мумкин эди. Умуман, биринчи бўлимдан қониқдим.

Иккинчи бўлимда, айтиш мумкин бўлса, ўринбосарлар таркиби майдонга тушди. Албатта, бу футболчиларнинг савияси бутунлай ўзгача. Аммо улардан ҳам кўнглим тўлди. Нималарни ўрганишган бўлса, барчасини бажардилар ва камида, шунга ҳаракат қилдилар.

Дзюба учрашувнинг энг яхши ўйинчиси? Бундай дея олмайман. У одатдагидай ўйнади. Ҳа, гол урди, бу вазиятда бошқалар ҳам яхши ҳаракат қилди", - дея Карпиннинг сўзларини келтиради Чемпионат.com.