Дортмунднинг “Боруссия” клуби ярим ҳимоячиси Марко Ройс немислар жамоасидаги келажаги ҳақида гапирди.
"Ҳозирча «Боруссия» билан меҳнат шартномасини узайтириш ҳақида ўйлаганим йўқ. Ҳозир бор эътиборимни жамоамнинг Германия чемпионати ва Чемпионлар лигасидаги ўйинига қаратганман», - дея Ройсдан иқтибос келтиради Спорт1.
Футболчининг қўшимча қилишича, у бундан хавотирда эмас, чунки у ажойиб формада. 34 ёшли Ройс 2012 йилдан бери "асаларилар" шарафини ҳимоя қилиб келади.
Бу вақт ичида у барча турнирларни ҳисобга олган ҳолда 409 та учрашувда майдонга тушиб, 166 та гол урди ва 124 та голли узатмани амалга оширди.
Ройснинг "Боруссия" билан амалдаги меҳнат шартномаси 2024-йилнинг 30-июнига қадар амал қилади.
