Дортмунднинг “Боруссия” клуби ярим ҳимоячиси Марко Ройс жамоа бош мураббийи Эдин Терзич билан муносабатлари ҳақидаги саволга жавоб берди.
Aввалроқ ОAВда 34 ёшли фахрий мураббийи билан жанжаллашгани ҳақида маълумот пайдо бўлганди.
"Бундай миш-мишлар мени ғазаблантирди. Жамоада ҳеч ким Терзичнинг кетишини хоҳламаган. Мураббийим билан жуда яқин муносабатдаман, у билан тез-тез очиқ гаплашамиз.
Бизда ҳеч қандай зиддият йўқ", - дея Ройсдан иқтибос келтиради Спорт1.
Жорий мавсумда Ройс барча турнирларни ҳисобга олган ҳолда 22 учрашувда майдонга тушиб, бешта гол урди ва учта голли узатмани амалга оширди.
16 турдан кейин “Боруссия” Германия чемпионатида 27 очко билан бешинчи ўринни эгаллаб турибди.
