"Бавария" ва Германия терма жамоасининг собиқ ҳимоячиси 78 ёшида вафот этди, дея хабар беради унинг оиласи.
"Биз Франц Беккенбауэр кеча, якшанба куни уйқусида, оиласи қуршовида тинч-осойишта вафот этганини чуқур қайғу билан маълум қиламиз”, - дейди афсонавий футболчининг яқинлари.
Франц Беккенбауэр 4 марта Германия чемпионлигини қўлга киритган ва уч марта еврокубокни қўлга киритган. Германия терма жамоаси таркибида 1974 йилги жаҳон чемпионати ва 1972 йилги Европа чемпиони бўлган. Беккенбауэр икки марта “Олтин тўп”ни қўлга киритди.
Германия терма жамоаси мураббийи сифатида 1990 йилда жаҳон чемпиони бўлган. Беккенбауэр “Бавария” бош мураббийи сифатида Бундеслига ва УЕФА кубогини қўлга киритди.
Футболчилик фаолияти давомида у "Нью-Йорк Космос" ва "Гамбург" клубларида ҳам ўйнаган ва "Марсел"да мураббий бўлиб ишлаган.
