"Лилль" марказий ҳимоячиси Тьяго Джало фаолиятини "Ювентус"да давом эттириши мумкин.
Aввалроқ Турин клуби французлар билан 23 ёшли футболчини уч ярим миллион еврога сотиб олиш борасида келишиб олгани ҳақида хабар берилганди.
Таниқли инсайдер Фабрицио Романонинг сўзларига кўра, томонлар келишувни ёпишга яқин турибди.
Манбага кўра, "Ювентус" португалиялик футболчига 2028 йилгача мўлжалланган шартнома таклиф қилмоқда. Джало жорий мавсумда бирорта ҳам ўйинда иштирок этмади.
Футболчи хочсимон боғламларнинг шикастланишидан тикланишда давом этмоқда.
Трансфермаркт портали экспертлари ҳимоячининг нархини 15 миллион еврога баҳоламоқда.
