Жорий йилнинг 21-25-январ кунлари Марказий Осиё футбол ассоциацияси (CAFA) томонидан ҳакамлар семинари ҳамда ВАР курси ташкил этилиши режалаштирилган. Аҳамиятли жиҳати, Тошкент шаҳри мезбонлик қиладиган ушбу семинарда 6 нафар ҳакамимиз ҳамда 3 нафар назоратчимиз иштирок этиши кўзда тутилган.
Ҳакамларимиздан Фирдавс Норсафаров, Акобирхўжа Шукуруллаев, Аскер Нажафалиев, Рустам Лутфуллин, Розиябону Юсупова ҳамда Гулшода Саитқулова, шунингдек, назоратчиларимиздан Владислав Цейтлин, Валентин Коваленко, Жаҳонгир Саидов бу тадбирга жалб этилган.
"Вакилларимизга ушбу семинар ва ВАР курсида омад тилаймиз!" - дейилади Ўзбекистон футбол ҳакамлари маркази расмий баёнотида.
