Европанинг 5 та энг яхши тўпурарларидан бири Серу Гирасси ушбу Африка кубогида ўйнамаслиги мумкин. Гвинея терма жамоаси бош мураббийи Каба Диавар футболчи Нигерия билан ўртоқлик учрашувида жароҳат олган Серунинг ҳолати ҳақида гапирди.
“Биз уни бошқа хавфлардан қочиш учун алмаштирдик. Жароҳат қанчалик жиддий эканини билмаймиз, аммо ҳозир у қадар ёмон кўринмайди. Умид қиламанки, жиддий ҳеч нарса содир бўлмади", - дея Диавар сўзларини келтиради журналист Бен Жейкобс.
Эслатиб ўтамиз, жорий Бундеслигада Гирасси “Штутгарт” таркибида 14 та ўйинда майдонга тушиб, 17 та гол урди ва битта голли узатмани амалга оширди.
