"Вест Хэм" ярим ҳимоячилари Лукас Пакета ва Жаррод Боуэн жароҳати сабаб майдонга туша олмайди. Бу ҳақда журналист Жейкоб Штайнберг хабар берди.

Манбанинг хабарига кўра, бразилиялик ярим ҳимоячи жароҳати сабаб бир ойга яқин майдонга туша олмайди. Англиялик Боуэн ҳам узоқ вақт давомида жамоасига ёрдам бера олмайди. Футболчи тўпиғидан жиддий жароҳат олган.

Пакета жорий мавсумда “Вест Хэм” сафида барча турнирларда 27 та ўйинда майдонга тушиб, 5 та гол ва 6 та голли узатмага муаллифлик қилган. Боуэн "болғачилар" сафида 26 та ўйин ўтказди ва 14 та гол уришга муваффақ бўлди ва 4 та голли узатмани ҳам амалга оширди.