Нидерландиянинг “Фейеноорд” ва Италиянинг “Фиорентина” клублари “Тоттенхэм” футболчиси Брайан Хиллга қизиқиш билдирмоқда, дея хабар беради журналист Фабрицио Романо ижтимоий тармоқда.
Манбага кўра, жамоалар Хиллни сотиб олиш имконияти билан ижарага олишни режалаштирмоқда. Шу билан бирга, клублар ҳали “Тоттенхэм”да қолмоқчи бўлган футболчининг ўзи билан боғланишмаган.
22 ёшли Хилл Испаниянинг "Севилья" клуби тарбияланувчиси бўлиб, у ердан "Леганес" ва "Эйбар"га ижарага берилди. 2021 йилнинг ёзида "шпорлар" томонидан 25 миллион еврога сотиб олинган, бироқ у "Валенсия" ва "Севилья"га ижарага берилган.
У Жорий мавсумда тўққизта ўйин ўтказди, уларда гол ура олмади ва шу билан бирга 207 дақиқа майдонда ўтказди.
