Ўзбекистонлик ҳужумчи Азизбек Амонов фаолиятини БААда давом эттиради.

26 ёшли футболчи “Ҳор Факкан” жамоаси билан шартнома имзолади. Маълумот учун, ушбу жамоада яна бир ўзбекистонлик футболчи Абдулла Абдуллаев ҳам тўп суради.

Жамоа БАА юқори дивизионида 12 турдан сўнг 13 очко билан 10-поғонани эгаллаб турибди.

Амонов ўтган мавсум “Насаф”да тўп суриб, 34 та ўйинда 8 та голга муаллифлик қилган. Айни пайтда у Ўзбекистон терма жамоаси сафида Осиё кубогига тайёргарлик кўрмоқда.

Азизбек фаолияти давомида “Локомотив”, “Бухоро” ва “Истиқлол” (Эрон) каби жамоалар шарафини ҳимоя қилган.