"Женоа" марказий ҳимоячиси Раду Дрэгушиннинг "Бавария"га ўтиши мумкин бўлган трансфер тафсилотлари маълум бўлди.
Сешанба куни Мюнхен клуби руминиялик футболчи учун расмий таклиф билан чиқди. Жанлука Ди Марционинг янгиланган хабарига кўра, "Бавария" Дрэгушин учун 31 миллион евро таклиф қилган, "Тоттенхэм" эса 24 миллион евро ва 6 миллион евро бонуслар тўлашга тайёр, "шпорлар" ҳимоячи Жед Спенсни ҳам "Женоа"га ижарага беради. Италия клуби иккала таклифни ҳам қабул қилди, бироқ Дрэгушиннинг ўзи ҳали "Бавария"га ҳам, "Тоттенхэм"га ҳам рози бўлгани йўқ. Якуний қарор чоршанба куни эрталаб қабул қилиниши кутилмоқда.
