"Ливерпуль" бош мураббийи Юрген Клопп 24 январ куни бўлиб ўтадиган "Фулхэм"га қарши Aнглия Лига кубоги ярим финал жавоб учрашуви ҳақида гапирди. Биринчи ўйинда мерсисайдликлар 2:1 ҳисобида зафар қучганди.
“Бу ҳали охири эмас. Бу ўйиндан сўнг Лондонда меҳмонхона хонасини брон қилишимни кутмагандим (Лига кубоги финали Лондоннинг "Уэмбли" стадионида бўлиб ўтади).
Марко Силва аллақачон журналистлар билан гаплашган ва менимча, у унчалик хурсанд эмас эди. Aммо "Фулхэм" бизга муаммо туғдирди ва улар бундан ҳам кўпроқ нарсани етказиб беришади.
Умид қиламанки, жавоб ўйинида бошидан яхшироқ ўйнаймиз.
Ғалабали ўйинда кўп нарсага эриша олмадик. Бу ўйин қандай кечганини ҳисобга олсак, натижадан мамнунман, деб айта оламан", - дея Клоппнинг сўзларини келтиради «Ливерпуль» расмий сайти.
