"Манчестер Сити" ҳимоячиси Кайл Уокер рафиқаси Энни Килнер билан жанжаллашиб қолди.
Daily Mail нашрининг ёзишича, ошиқлар ўртасидаги жанжал бундан беш ой олдин содир бўлган. Манбага кўра, эр-хотин омма олдида бир неча бор жанжаллашган, шундан сўнг Килнер футболчини қиймати уч миллион доллардан ортиқ бўлган оилавий уйидан ҳайдаб чиқаришга қарор қилган.
Хабар қилинишича, Уокер ҳозирда шаҳар марказидаги квартирада яшайди. Жорий мавсумда 33 ёшли ҳимоячи барча турнирларни ҳисобга олган ҳолда 27та учрашувда иштирок этди ва иккита голли узатмани амалга оширди.
Уокернинг "Манчестер Сити" билан шартномаси 2026 йилгача мўлжалланган.