"РБ Лейпциг" ўзининг расмий сайтида ҳимоячи Лукас Клостерманн билан шартнома узайтирилгани ҳақидаги маълумотни жойлаштирди.
27 ёшли футболчи 2028 йилнинг ўрталарига қадар мўлжалланган меҳнат шартномасини имзолади. Лукас Клостерманн 2014 йилнинг ёзида «Бохум»дан «РБ Лейпциг»га ўтган эди.
Ўшандан бери футболчи "буқалар" сафида 278 та расмий ўйин ўтказиб, 14 та гол урган ва шерикларига 12 та голли узатма берган.
“РБ Лейпциг” айни дамда Германия чемпионати турнир жадвалида тўртинчи ўринда бормоқда. Жамоа навбатдаги ўйинни 13 январ куни Франкфуртнинг "Aйнтрахт"ига қарши ўтказади.
