"Арсенал" қишки трансфер ойнасида "Реал Сосьедад" ярим ҳимоячиси Мартин Субимендини қўлга киритишга уриниб кўради, деб хабар беради The Sun.
Манбанинг қайд этишича, Лондон клуби футболчи учун испан жамоасига 57 миллион евро таклиф қилишга тайёр. Ўтган ёзда "Арсенал" Субимендини қўлга киритишга уриниб кўрди, бироқ футболчи "канонирлар"нинг таклифини рад этди.
Субименди - "Реал Сосьедад" тарбияланувчиси. У 2019 йилда Ла Лигада жамоаси сафида дебют қилган. Жорий мавсумда 24 ёшли ярим ҳимоячи барча турнирларда 28 та ўйин ўтказиб, 4 та гол ва 1 та голли узатмага муаллифлик қилган.