"Arsenal" qishki transfer oynasida "Real Sosyedad" yarim himoyachisi Martin Subimendini qo‘lga kiritishga urinib ko‘radi, deb xabar beradi The Sun.
Manbaning qayd etishicha, London klubi futbolchi uchun ispan jamoasiga 57 million yevro taklif qilishga tayyor. O‘tgan yozda "Arsenal" Subimendini qo‘lga kiritishga urinib ko‘rdi, biroq futbolchi "kanonirlar"ning taklifini rad etdi.
Subimendi - "Real Sosyedad" tarbiyalanuvchisi. U 2019 yilda La Ligada jamoasi safida debyut qilgan. Joriy mavsumda 24 yoshli yarim himoyachi barcha turnirlarda 28 ta o‘yin o‘tkazib, 4 ta gol va 1 ta golli uzatmaga mualliflik qilgan.