"Осасуна" бош мураббийи "Барселона" билан ўйиндаги ҳакамликдан норози бўлди.

Эслатиб ўтамиз, Испания Суперкубоги ярим финалида Роберт Левандовски 59-дақиқада ҳисобни очган эди. "Осасуна" футболчилари Андреас Кристенсен голдан олдин Хосе Арнаисга қўполлик ишлатганини айтишди. Бироқ ҳакам Алехандро Муньис голни ҳисоблашга қарор қилди. Учрашув 2:0 ҳисобида "Барселона" фойдасига ҳал бўлди.

- Арнаисга нисбатан қўполликдан кейин ўзингизни ноҳақ ҳис қиляпсизми?

– Ҳа, бизга нисбатан адолатсизлик бўлганини ҳис қиляпмиз, чунки ўйин давомида ҳакамлик мезонлари бошқача эди. Бу шубҳасиз фол эди. Бизга нисбатан адолатсизлик қилинганини ҳис қиляпмиз. Бу ҳал қилувчи дақиқа эди.

Мезонлар бошқача эди, шунинг учун биз шикоят қилдик. Баъзи ҳакамлар кўпроқ ўйнашга рухсат беришади, бошқалари эса камроқ. Бу нормал ҳолат. Аммо бугун ҳаммаси бошқача бўлди: бугун гап баъзи фоллар чақирилгани, бошқалари эса йўқлиги ҳақида саволлар бисёр.

Голдан 5 дақиқа ўтгач, у қайд этмаган бир вазият бўлди, лекин тўртинчи ҳакам унга қўполлик эканлигини айтди ва мен: "Мана буни қилишинг ва унга ёрдам беришинг эди", дедим. Ва у менга сариқ карточка кўрсатди", - деди Хагоба Аррасате.