Мадриднинг "Атлетико" клуби АҚШнинг "Атланта клуби ҳужумкор ярим ҳимоячиси Тьяго Альмадага даъвогарлик қилмоқда.
Аргентиналик Анхел Корреа тез орада "матрасчилар" сафини тарк этиши мумкин, уни сотиб олишга "Ал-Иттиҳод" қизиқмоқда.
Инсайдер Фабрицио Романонинг хабарига кўра, "Атлетико Мадрид" агар Корреа кетса, Альмадани сотиб олишга тайёр. Мадрид клуби 22 ёшли Альмада Корреанинг ўрнини мукаммал тарзда эгаллай олади, деб ҳисобламоқда. Тьяго Альмада Аргентина терма жамоаси таркибида ЖЧ-2022 ғолиби бўлди, Анхел Корреа ҳам.
Transfermarkt портали МЛС юлдузининг нархини 27 миллион еврога баҳоламоқда.
