Ўзбекистон миллий терма жамоаси ҳужумчиси Жалолиддин Машарипов Сурияга қарши ўйиндан олдинги матбуот анжуманида ўз фикрларини билдирди.
"Осиё кубогида иккинчи маротаба иштирок этаётганимдан жуда хурсандман. Умид қиламизки бу ерда яхши натижалар қайд этамиз. Ўзбекистондан анчагина мухлислар бу ерга бизни қўллаб-қувватлагани етиб келди.
Олдиги Осиё кубогидаги терма жамоа таркибидан Элдорнинг жароҳати сабаб ҳозирда фақат икки киши қолдик. Ҳозирги терма жамоамизда аввалгисига қараганда кўпроқ ўйин услуби ва ишонч бор. Олдиги термадаги футболчиларда номлар биздан яхшироқ бўлиши мумкин, лекин ҳозир бизда бирдамлик кучлироқ.
Осиё кубогидаги биринчи иштироким ҳам ёмон бўлмаганди, гуруҳдан чиққанимиздан сўнг плей-оффда Австралияга мағлуб бўлгандик. Ўйлайманки, ҳозир бизда жуда яхши терма шаклланган. Буни Эронга қарши ЖЧ саралаш ўйинида кўрсатдик. Бу турнир биз ва мухлисларимиз учун жуда омадли ўтишини кутяпман. Барчада ишонч юқори, камида кучли тўртталикка киришимиз керак.
Олдин терма жамоада бир ёки иккита лидер бўларди. Қийин учрашувларда уларнинг ўйини чиқмаса, ютқазиб қўярдик. Ҳозир бошқача, баъзида бизда асосий таркибда тушган футболчидан кўра захирдан тушган ўйинчи кўпроқ самарали ҳаракат қилгандек кўринади. Бу дегани ҳозирги терма жуда яхши шаклланганидан хабар беради. Ҳозир биз ўзимиздаги кучли ишонч туфайли ҳам ютиб кетамиз деб ўйлайман.
Осиё кубогида илк бор иштирок этадиган бир қанча футболчилар аллақачон катта ўйинларда майдонга тушиш тажрибасига эга. Ўйлайманки, бу дебют ёш футболчиларимизга қийин бўлмайди деб умид қиламан", - деб фикрини якунлади Машарипов.
