Ўзбекистон миллий терма жамоаси 13-январ куни Сурияга қарши ўйин билан Осиё кубогидаги иштирокини бошлайди. Мазкур учрашувда футболчиларимиз тўлиқ оқ либосда, дарвозабонимиз эса қора либосда ҳаракатланади.
Шунингдек, учрашувни бошқариб борадиган ҳакамлар гуруҳи ҳам маълум. Бош ҳакам — уммонлик Аҳмад Абу Бакар Саид ал-Каф, унга ҳамюртлари Абу Бакар Салим ал-Амри ва Рашид Ҳамид ал-Гаити ёрдам беради. Захира ҳаками сифатида эса ироқлик Моҳанад Қосим Саррай ишлайди.
Учрашув эртага соат 22:30 да “Жассим бин Ҳамад” стадионида старт олади.
