"Манчестер Сити" бош мураббийи Пеп Гвардиола жума куни бўлиб ўтган матбуот анжуманида ярим ҳимоячи Калвин Филлипснинг келажаги ҳақида бирор янгилик бор-йўқлиги ҳақидаги саволга жавоб берди.
«Йўқ. У ҳали ҳам «Манчестер Сити» футболчиси», — деди Гвардиола журналистларга.
Aйтиш жоизки, 2023/2024 йилги мавсумда Калвин Филлипс ўзи хоҳлаганча ўйнай олмаяпти. Ярим ҳимоячи 10та ўйинда қатнашиб, битта гол уришга муваффақ бўлди.
Хабарингиз бор, миш-мишлар 28 ёшли Филлипсни "Ньюкасл" ва "Ювентус" билан боғлайди. Трансфермаркт портали футболчини 28 миллион еврога баҳоламоқда.
