"Manchester Siti" bosh murabbiyi Pep Gvardiola juma kuni bo‘lib o‘tgan matbuot anjumanida yarim himoyachi Kalvin Fillipsning kelajagi haqida biror yangilik bor-yo‘qligi haqidagi savolga javob berdi.
«Yo‘q. U hali ham «Manchester Siti» futbolchisi», — dedi Gvardiola jurnalistlarga.
Aytish joizki, 2023/2024 yilgi mavsumda Kalvin Fillips o‘zi xohlagancha o‘ynay olmayapti. Yarim himoyachi 10ta o‘yinda qatnashib, bitta gol urishga muvaffaq bo‘ldi.
Xabaringiz bor, mish-mishlar 28 yoshli Fillipsni "Nyukasl" va "Yuventus" bilan bog‘laydi. Transfermarkt portali futbolchini 28 million yevroga baholamoqda.
