"Барселона" Бруно Гимараэсни сотиб олмоқчи.
Mundo Deportivo хабарига кўра, каталонияликлар "Ньюкасл"даги воқеаларни кузатиб боришмоқда, улар молиявий муаммолар туфайли футболчиларни сотишга мажбур бўлиши мумкин.
"ПСЖ" ҳам даъвогарлик қилаётган бразилиялик футболчининг ўзи фаолиятидаги навбатдаги қадамни ташлашга тайёр.
Globo Esporte нашрига таяниб, маълум қилинишича, каталонияликлар трансфер устида иш бошлашган, бироқ келишувга эришиш қийин бўлишига ишонмоқда. Таклиф этилаётган келишув 80 миллион еврога баҳоланган ва “Барселона” тўловлар миқдорини камайтириш мақсадида ўз футболчиларини ҳам қўшиб беришга ҳаракат қилади.
Қайд этилишича, товон пули 100 миллион фунтни (тахминан 115 миллион евро) ташкил қилади.
Гимараэс жорий мавсумда АПЛда 19 та ўйинда майдонга тушиб, 1 та гол урди.