Осиё кубогининг "A" гуруҳидан ўрин олган Хитой ва Тожикистон терма жамоалари ўртасида қизиқарли ўйин бўлиб ўтди.

Қўшниларимиз биринчи бўлимда Хитойни анча қийин аҳволга солиб қўйди. Биргина Алишер Жалилов тайм охирида 3 та яхши имкониятга эга бўлди. Фақат унга бироз омад етишмади.

Хитой иккинчи таймнинг иккинчи ярмидан бошлаб ташаббусни ўз қўлига ола бошлади. Хаттоки 81-дақиқада улар бурчак зарбасидан кейин ҳисобни очишди. Аммо гол ВАР ёрдамида бекор қилинди. Ҳужумчи бош билан зарба бераётганида дарвозабон бироз олдинга чиқиши натижасида хитойлик бошқа футболчи дарвоза чизиғида турган ҳимоячига халал берди.

Қолган дақиқаларда Тожикистон дурангни ушлаб қолди.

Осиё кубоги. "А" гуруҳи, 1-тур
Хитой – Тожикистон 0:0 (0:0, 0:0)
Хитой – Янь Цзюньлин, Чжан Линьпэн, Браунинг, Чжу Чэньцзе, Лю Ян, Ван Шанъюань, Ван Цюмин (Сюй Синь, 58), Дай Цун (Линь Лянмин, 72), Лю Биньбинь, У Лэй (Се Пэнфэй, 72), Лон Тан (Чжан Юйнин, 58).
Тожикистон – Ятимов, Сафаров, Жўрабоев, Ҳанонов, Назаров, Жалилов, Умарбаев, Панжшанбе, Шукуров (Айний, 89), Соиров (Самиев, 89), Камолов (Мабатшоев, 90).
Огоҳлантиришлар:  Ван Шанъюань (28), Умарбаев (74), Самиев (90).