Osiyo kubogining "A" guruhidan o‘rin olgan Xitoy va Tojikiston terma jamoalari o‘rtasida qiziqarli o‘yin bo‘lib o‘tdi.

Qo‘shnilarimiz birinchi bo‘limda Xitoyni ancha qiyin ahvolga solib qo‘ydi. Birgina Alisher Jalilov taym oxirida 3 ta yaxshi imkoniyatga ega bo‘ldi. Faqat unga biroz omad yetishmadi.

Xitoy ikkinchi taymning ikkinchi yarmidan boshlab tashabbusni o‘z qo‘liga ola boshladi. Xattoki 81-daqiqada ular burchak zarbasidan keyin hisobni ochishdi. Ammo gol VAR yordamida bekor qilindi. Hujumchi bosh bilan zarba berayotganida darvozabon biroz oldinga chiqishi natijasida xitoylik boshqa futbolchi darvoza chizig‘ida turgan himoyachiga xalal berdi.

Qolgan daqiqalarda Tojikiston durangni ushlab qoldi.

Osiyo kubogi. "A" guruhi, 1-tur
Xitoy – Tojikiston 0:0 (0:0, 0:0)
Xitoy – Yan Szyunlin, Chjan Linpen, Brauning, Chju Chensze, Lyu Yan, Van Shan’yuan, Van Syumin (Syuy Sin, 58), Day Sun (Lin Lyanmin, 72), Lyu Binbin, U Ley (Se Penfey, 72), Lon Tan (Chjan Yuynin, 58).
Tojikiston – Yatimov, Safarov, Jo‘raboyev, Hanonov, Nazarov, Jalilov, Umarbayev, Panjshanbe, Shukurov (Ayniy, 89), Soirov (Samiyev, 89), Kamolov (Mabatshoyev, 90).
Ogohlantirishlar:  Van Shan’yuan (28), Umarbayev (74), Samiyev (90).