Нидерландияда миллий чемпионат давом эттирилди ва ўн еттинчи турда "ПСВ" “Экcельсиор”ни 3:1 ҳисобида мағлуб этди.
Бу мезбонларнинг чемпионат бошидан бери кетма-кет ўн еттинчи ғалабаси бўлди, бу Нидерландия чемпионати олий лигасининг мутлақ рекордини такрорлаш эди.
Қолаверса, аввалги рекордни 1987\1988 йилги мавсумда ҳам "ПСВ" ўрнатганди - ўшанда жамоа нафақат ички чемпионатда, балки умуман Европада ҳам энг кучли бўлиб, 1988 йилда Чемпионлар кубогини қўлга киритганди.
"ПСВ" ўзининг навбатдаги ўйинида "Утрехт" меҳмони бўлади ва Эредивизиядаги энг ажойиб рекордлардан бирини янгилаш имкониятига эга.
