Niderlandiyada milliy chempionat davom ettirildi va o‘n yettinchi turda "PSV" “Ekcelsior”ni 3:1 hisobida mag‘lub etdi.
Bu mezbonlarning chempionat boshidan beri ketma-ket o‘n yettinchi g‘alabasi bo‘ldi, bu Niderlandiya chempionati oliy ligasining mutlaq rekordini takrorlash edi.
Qolaversa, avvalgi rekordni 1987\1988 yilgi mavsumda ham "PSV" o‘rnatgandi - o‘shanda jamoa nafaqat ichki chempionatda, balki umuman Yevropada ham eng kuchli bo‘lib, 1988 yilda Chempionlar kubogini qo‘lga kiritgandi.
"PSV" o‘zining navbatdagi o‘yinida "Utrext" mehmoni bo‘ladi va Erediviziyadagi eng ajoyib rekordlardan birini yangilash imkoniyatiga ega.
