Мадриднинг “Реал” клуби ярим ҳимоячиси Лука Модрич 2024 йилнинг ёзида Саудия Арабистони клубларидан бирига ўтиши мумкин.
Саудия клублари амалдаги шартномаси 2024 йилнинг июнида якунига етадиган "Қироллик клуби"нинг 38 ёшли хорватиялик ярим ҳимоячисини таклиф қилиш ғоясидан воз кечишмаган. Янги таклифнинг аниқ миқдори ошкор этилмаган. ОАВ маълумотларига кўра, 2023 йилда Модричга Саудия Арабистонида уч йил давомида 300 миллион евро миқдорида шартнома таклиф қилинган.
Хорватиялик ярим ҳимоячи 2012 йилнинг август ойидан бери "Реал"да тўп тепмоқда. Жорий мавсумда у "Қироллик клуби" сафида барча мусобақаларда 22 та ўйин ўтказиб, битта гол ва 5 та голли узатмага муаллифлик қилган. Transfermarkt Лука Модричнинг ҳозирги трансфер қийматини 10 миллион еврога баҳоламоқда.