"Ньюкасл" марказий ҳужумчиси Александр Исак Испания гранди сафига ўтиш имкониятига эга. "Барселона" 24 ёшли швециялик футболчининг хизматларига қизиқиш билдирмоқда.
Todofichajes журналистларининг маълум қилишича, "блауграна" скандинавиялик билан шартнома имзолаш учун "қарғалар" билан музокараларни режалаштирмоқда. Исакнинг "Барселона"га трансфери 80 миллион еврога тенг бўлиши мумкин. Футболчининг "Ньюкасл" билан амалдаги шартномаси 2028 йилнинг ўрталарига қадар тузилган.
Англия чемпионатининг жорий мавсумида Александр 16 та ўйин ўтказди. Ҳужумчи ўнта гол урди.